مسلسل “هتك الأعراض” يتواصل وهكذا ردّ الوافي على “الهجوم المعاكس” لمريم بن مامي..
رد الإعلامي سمير الوافي على الممثلة مريم بن مامي في صفحته على الفايسبوك بعد أن هجماته، وهذا ما كتبه:
السيدة مريم بن مامي ولات تدور من بلاطو لبلاطو وتسب فيا…وبلغت حدود الثلب الذي يستوجب المقاضاة…بل هي تتهمني بما برأني منه القضاء مؤخرا…وطبعا هي لا تجرؤ على قول ربع ذلك عن مكتشفها سامي الفهري ربي يفرج عليه…ولا تتورع عن شتمي بما أترفع عنه…فأنا طول عمري أعتز وأتشرف بأصلي الريفي وبداياتي الشاقة…ولا أعتبر ذلك تهمة أو عارا بل شرف يستحق فخري…لكن عديمي الأخلاق والثقافة والرفعة يعتبرون ذلك شتيمة…ويعايرون بها الناس بكل سفالة ودناءة…!!!
ولن ألومها أبدا فهي محقة في ثلبي وشتمي…لأنني كما قال لي كثيرون ” طيحت قدري ” وافتعلت عركة تافهة لا تليق بأخلاقي مع خصم لا يستحق شرف الرد عليه…قد كان علي أن أترفع ولا أنزل إلى حيث إستدرجتني…الى عرك حمام النساء الذي لا أتقنه ولا أحذق إستعمال قاموسه البذيء والرديء…فللمعارك أيضا أخلاقيات إذا كان خصمك كبيرا ومحترما…!!!
سهل جدا أن أرد على السيدة بن مامي بأقسى ما تتصور…فقلمي بطول لساني…وما أعرفه أفظع مما تسمح لي أخلاقي بكتابته…ليس هناك أسهل من الشتم والثلب وهتك الأعراض…لكنني سأتعامل معها بأخلاقي وليس بأخلاقها…وسأراعي ما كان بيننا من صداقة قديمة…وعندي من الرفعة والذوق ما يجعلني لا أنزل من النقد المحترم الذي كَتَبْتُهُ إلى الشتم والثلب الذي إرتكبته هي…تلك المعارك البذيئة لا تليق بقاموسي…!!!
السيدة مريم بن مامي ولات تدور من بلاطو لبلاطو وتسب فيا…وبلغت حدود الثلب الذي يستوجب المقاضاة…بل هي تتهمني بما برأني…
Publiée par Samir Elwafi sur Mardi 6 octobre 2020
وكانت الممثلة مريم بن مامي عقبت على إتهامات الاعلامي سمير الوافي ، ونشرت على صفحتها بموقع “فايسبوك” التدوينة التالية:
” 1/ انا عمري ماكنت متع فضايح و الستاتوات متاعي عمرهم ما كانوا يجبدوا لعباد. و كانك تحكي على المستنقع انتي الي تعوم فيه للعنكوش وماكش فايق. خاتر انا ما جبدتكش و انتي تميع في قضية نبيله متع اغتصاب و قتل تحب تردها مشكله متع جهويات بش تخرج انتي بطل.
2/ نحب نفكرك الي انا كنت عندي حوانت صبابت و افتخر بذلك اما يعتيك الصحة الي فكرتني كيفاش كنت تجي تقعد بحذايا بالسوايع و جايب الدوسي لخضر تحت ضبوطك و تلحلح فماش امكانيه تدخل للحوار التونسي الي مبعد كيف تعرفت وليت “مشهور” استعملت اسمك و شهرتك بش ابتزيت و استوليت على اموال لعباد. وهذا اثبته القضاء مش كلام فى الهواء.
3/ تقول الي انا كنت نخدم في حانوت صبابت و نفرض الي انا كنت vendeuse هذا كان اكونلي شرف اني نوصل الي وصلتوا. اما نحسك بكلامك هاذا تحقر في فئة معينه من المجتمع و الفندوز انسان عندو طموح كيف لعباد لكل. اما خسارة خاتر انتي تعرف الي انا عندي maîtrise fel beaux arts. اما ستانسنا بيك ديما wefi في حديثك.
4/ نعلمك الي الكلام الي انا قلتو مش من راسي خاترك ادنت بذلك اما انتي كيف بش تقول حاجه رد بالك و شاور المحامي متاعك مليح الي هذاك اكون دليل مقبول من القضاء ترصيلكش في قضية اخرى متع شتم و ثلب و القضاء سيكون فيصل بيننا.
5/ توا كيف انتي مسمي روحك وحش الشاشة علاش تكلم في الزملاء بش يتدخلوا ويلموا الموضوع يا وحش.
6/ انا نقولك خسارتك غفاص خاتر ما كان عندي معاك حتى مشكل او كيف شديت الحبس تاثرت برشا و قلت ربي افرج اعليه. اما توا فهمت انك حبيت تركب على الحدث و تحرك اسمك على حسابي و هذاكا اعلاش نجاوب فيك قلت خلي نعاونو شويا. و كلمة الختام نقلك العبد الي عندو دودة ما انجمش يركح ولهاذا ya3tik Douda”..
