بالفيديو / د. سمر صمود :”يحبو يرجعولنا المكي الي حلّ الحدود.. كان جا فالح راو مالبارح”
عبرت الدكتورة سمر صمود في تدوينة نشترها اليوم في صفحتها الرسمية عن استيائها من الخبر المتعلق
بإعادة تعيين عبد اللطيف المكي وزيرا للصحة قائلة “يحبو يرجعولنا المكي بش يركب على الحدث و زعمة هو
ينقذنا …كان جاء فالح راهو من البارح !
وفيما يلي نص التدوينة : من الاخر …عشرة سنين على قلوبنا الغربان ! و كورينا و كيرونا و كرونا …و من بعد ما تخذت و كلات
بعضها و الناس ماتت و المجتمع المدني تحرك و الناس قالبة الدنيا بش تجيب التلقيح …يحبو يرجعولنا المكي بش يركب على
الحدث و زعمة هو ينقذنا. شبيه سعد قطاع الصحة راقد ؟؟؟ شكون دعى علينا دعوة شر ؟؟؟ خاطر عارفين الي الاعانات جاية
و مش من عندهم هوما و مش من عند حتى فاشل في الحكم بالمخير فيهم من عند عباد تغير على بلادها ! ما تحشموش
و احنا نستاهلو الي صاير فينا خاطر ساكتينلكم !كان جاء فالح راهو من البارح ! السياسية الاستباقية فيها ملف التلقيح و انت
شيء ما عملت فيه يا سي المكي ! و ما عملت شيء في تحضير اقسام الاستعجالي وما عملت شيء في تحضير
المستشفيات …و راهو مستشفى القيروان الي تحكي و تقول انت عملتو راهو مش انت و الوثائق موجودة …
و هذا مثال من عشرات و نفكرك الي انت حليت الحدود مع رئيس حكومتك و مش اللجنة العلمية الي حبيتو تغسلو يديكم
فيهاو نفكرك الي انت اكثر وزير شد الصحة في العشرة سنين الأخيرة ! نطقتونا من اجنابنا ! رانا في جائحة و غارقين أما يزيوا من اغتنام الفرص !#24مليون_جرعة_تلقيح و من غير وجوهكم كرهناها أعتقونا ! أعتقونا ! بش تهجونا الكل من البلاد و تقعدوا على خلاها !
وكانت مصادر مطلعة قد أكدت أنه سيتم تعيين عبد اللطيف المكي وزيرا للصحة في الأيام القادمة.
بالفيديو / د. سمر صمود :”يحبو يرجعولنا المكي الي حلّ الحدود.. كان جا فالح راو مالبارح”
